Utdanningsmessa på Stord januar 2009

Den årlege utdanningsmessa i Sunnhordland gjekk føre på Stord
21. – 22. januar. Her var over 60 utstillarar representert og meir enn 2.500 ungdommar var innom. Av utstillarar kan nemnast vidaregåande skular, høgskule og universitet, folkehøgskular, bedrifter, offentlege institusjonar og opplæringskontor.

Det er blitt ein tradisjon at det vert delt ut eit utdanningsstipend på kr 25.000,-. I år var den heldige Silje Framnes. Ho studerer grafisk design ved Nippon Design College i Tokyo som einaste utlending! Japansk har ho studert tidlegare ved Universitet i Bergen. Pengane skal ho bruka til å betala skulegong i Tokyo og målet hennar er å komma tilbake til regionen og finne seg jobb når ho er ferdig om to år.

Stipendet vart delt ut av Magne Heimvik, konsernsjef i SKL. Det er SKL som er sponsor for dette stipendet.

SKL deltok sjølvsagt på utdanningsmessa og dei utsende på SKL standen fekk snakka med mange ungdommar. Dei som besøkte standen fekk høyre at me har masse spennande jobbar og svært varierte yrkesgrupper – alt frå økonomi, IKT, administrative stillingar, marknadskompetanse til ingeniørar og fagarbeidarar. I tillegg er SKL ein trygg og sikker arbeidsplass.

Arrangør for utdanningsmessa er Stord Rotaryklubb.